Drama Sisindiran

KATINGGANG LOPE

Buah pir buah delima

Dipesek jadi rambutan

Kami ti kalompok lima

Bade drama sisindiran

Debora Septika S        : babaturan Tiwi

Harry Tribuntari          : Abah

Pratiwi Lazuardini M : NengTtiwi

Septi Setiawan            : Kang Septi

Siti Laila Abiya           : Ambu

Pratiwi :

Jalan jalan ka ciawi

Meuli buah ka si edah

Tepangkeun abdi pratiwi

Nu jadi putri si abah

Septi :

Aya mayit dina peti

Di gotong ku si mang asep

Kenalkeun simkuring septi

Nu  bageur soleh tur kasep

Debora :

Ka sumedang jeung mang tora

Anu remen Utah tea

Tepangkeun abdi debora

Nu bageur jeung geulis tea

Abiya :

Di situ aya buhaya

Nyumput dina tangkal awi

Nepangkeun abdi abiya

Nu jadi ambu neng tiwi

Harry:

Jalan jalan ka cimary

Meuli sawah ka si wiwi

Nepangkeun simabdi harry

Nu janten abah neng tiwi

Hiji carita di kampung Buah Batu hirup hiji kulawarga. Isuk-isuk samemeh mangkat kuliah, Pratiwi riweuh nguruskeun papakeanna lantaran hudangna kabeurangan.

Pratiwi : “Ambuuuuuu tiung tiwi na dimananya? Ning teu aya dina lomari?”

Ambu : “ceunah eta kamari nyimpen dimana?”

Meuli kueh ka mang awan

Nyimpang heula ka si oman

Aduh mani karipuhan

Boga budak sok pohoan

Abah : “euleuh euleuh ieu isuk isuk geus rariweuh kieu. Na aya naon teuing ieu teh ambu?”

Na lomari aya piring

Hujan gede tembok baseuh

Ieu Abah mani pusing

Isuk isuk geus rariweuh

Ambu : “aeh ai si Abah, itu budak Abah anu pohoan, unggal isuk riweuh.”

Pratiwi : “parantos Ambu Abah, sing horeng ieu tiung aya dina gantungan panto.”

Teu lila Pratiwi indit pamit ka Ambu jeung ka Abah bari rurusuhan. Torojol we Debora datang nyampeur,

Debora : “Tiwi, hayu atuh cuang mangkat bisi kabeurangan.”

Butuh samak tina pandan

Ambeh bisa kekedengan

Ti subuh geus rengse dangdan

Ambeh henteu kabeurangan

Pratiwi : “hayu atuh hayuu.”

Indit we eta budak dua ka kampusna dina motor.

Di kampus Septi geus hariwang, lantaran sieun gagal rencana na. Sapanjang jalan hayuh we nyiwitan leungeun sorangan.

Pratiwi :” Deb anter heula yu ka kantin, kuring can nyarap yeuh, bisi ke pingsan di kelas.”

Debora : “ hayu atuh barinage kuring ge asa hayang meuli cai”

Di jalan ka kantin pratiwi jeung Debora  papanggih jeung Septi

Septi : “aduh neng Tiwi sareng neng Debo mani tos gareulis”

Jalan jalan ka ci manggis

Jalanna ka pasir batang

Duh eneng mani tos geulis

Si geulis pujaan akang

Pratiwi :”naon atuh ah kang Septi enjing enjing tos ngagombal”

Debora : “kade ah Wi asa aya semu ngagombal .”

Si nini mencetan aki

Make ubar diciduhan

Kudu was was ka lalaki

Bisi beunang ku omongan

Septi : “ aeh aeh neng Debo mah mani kitu, di sebut geulis ge kalah ngagombal ceunah. Da Akang mah tara ngagombal.”

Pratiwi : “atos ah hayu Deb bisi kasiangan, hayu Kang neng tipayun.”

Septi : “ aduh neng Tiwi manga neng, eh neng ke mulih ti kampus akang ka bumi, wios nya?”

Debora : “tuh nya wi ceuk Debo ge naon? Pasti we aya kahayang kang Septi mah”

Pratiwi : “ ai Akang bade naon ka bumi neng ? “

Septi : “ ah tingali we engke akang bade naon, tapi neng ngawidian teu heula akang dongkap ka bumi neng ?

Pratiwi : “ mangga akang neng mah teu langkung akang we, ayeuna mah neng tipayun nya bade ka kantin”

malati kembang malati
dipelakeun dina batu
upami hoyong ka sim abdi
dongkap wae ka buah batu

Debora : “ nya hayu Wi si akang mah ngaganggu wae.”

Septi : “ hatur nuhun neneng anu gareulis, wilujeng ka kantin”

Jig we indit budak dua teh ka kantin, sing horeng si Septi kacida bingahna bari ajleng ajlengan mangkat ka kelas.

Kacaritakeun kuliah geus rengse tuluy we para mahasiswa mahasiswi balubar, kacida ramena eta kampus ku barudak ngora.

Debora : “ wi, ceuk anjeun si kang Septi ek naon nya k imah anjeun?”

Pratiwi : “ tah puguh simkuring ge tatadi kapikiran, sok araraneh da si akang eta mah “

Debora : “hayu lah ayeuna mah cuang ka imah anjeun”

Si teteh ka lingga manik

Balik na ka Pamalayan

Hayu-hayu geura balik

Kuring mah geus panasaran

Pratiwi : “ hayu atuh debo!”

Beda carita deui si Septi keur riweuh memener papakean jeung siap siap mental jang engke ek ka imah neng Pratiwi.

Wah iuh we si  Septi mawa motor bektu na indit ka imah neng Pratiwi.

Septi : “ assalamu’alaikum “

Ambu : “wa’alaikum salam, eeh ujang bade ka saha nya ?”

Septi : “ kuring Septi bu, kuring sumping k adieu bade ka neng Pratiwi, dupi neng Pratiwi na aya ?”

Teu lila Abah ngagorowok

Abah : “ ambuu.. ambuu.. saha ete tamu teh ? sina asup atuh ka jero, ulah dianggurken wae !”

Ambu : “ ieu Abah aya rerencanganna neng Tiwi”

Abah: “aeh ai sugan aya saha, sok atuh ujang lebet ka bumi reyod yeuh.”

Septi: “ hatur  nuhun abah ambu”

Teu lila kucunghul we neng tiwi kaluar ti kamer na.

Pratiwi : “ eh akang parantos sumping, ke sakedap neng nyandak heula cai ,”

Septi : “ eh neng wios teu kenging ngarepotkeun, akang moal lami da kadieu teh ararisin”

Pratiwi :”teu sawios akang”

Sabari neng tiwi mawa cai ka dapur, septi langsung ngobrol jeung Ambu jeung Abah.

Septi :

Ka cirahong bari nyesep

Meuli cau ka si adah

Aduh abah abi resep

Ka neng tiwi putri abah

Abah :

Si abah keur ngala awi

Naek motor nu si nana

Lamun hayang ka neng tiwi

Kudu boga jang bekel na

Datang neng Tiwi bari maw acai

Tiwi:

Meuli bawang ka man aming

Ngaliwat imah bi ebah

Lamun haying ka sim kuring

Kudu ngahareupan si abah

Ambu:

Ti Jakarta meunang kiwi

Di jalan beak kiwi na

Lamun haying ka neng tiwi

Kudu sabar nungguanna

Septi :

 Kembang cula kembang tanjung
 kembang sagala domdoman
 rek sabulan rek sataun
 moal weleh diantosan

Sannggeus rengse ngobrol, teu lila we si Septi kaluar ti imah neng Tiwi bari pamitan ka nu aya di imah.

Kabeh :

Meuli buah ka mang nana

Nitah meuli ka si patur

Enggeus rengse caritana

Sakieu nu kapihatur